उमाकान्त पाण्डे गाउले
०२७ डिसेम्बर २०१० - यूएई दुबई-गैर आवासीय नेपाली संघ (एनआरएनए) को पाचौ क्षेत्रीय सम्मेलनमा भाग लिन कतारका लागि नेपाली राजदुत डा. सुर्यनाथ मिश्र यूएई आउने भएका छन ।दुवईमा १४ देखि १६ जनवरीसम्म आयोजना हुने ३ दिने सम्मेलनमा मिश्रले सुरक्षित आप्रवासनको विषयका बारेमा सम्बोधन गर्ने थाहा हुन आएको छ । सयुत्त अरब एमिरेट्स यूएईका लागि नेपाली दुतावास छ र यहाँका लागि पूर्ण अधिकार सहित नेपाली राजदुत अर्जुन बहादुर थापा कार्यरत छन । यूएईमै दुतावास रहदा रहदै पनि र राजदुत कार्यरत हुँदा हुँदै अन्य देशको राजदुत आएर यहाँ हुने कार्यक्रममा सम्बोधन गर्ने भन्ने खबरले यहाँ रहेका नेपालीहरुले जिज्ञासा राख्न थालेका छन ।